Maanavaaksjojen bïjre
Om Barnombudsmannen på sydsamiska.
Sveerjesne gaajhkh maanah jïh noerh gieh leah nuerebe goh 18 jaepien vaaksjojem utnieh. Persovne maanavaaksjoje reeremasse dam veeljie jïh dïhte lea åejvie staaten reerese man nomme Maanavaaksjoje.
Maanavaaksjojen luvnie medtie 20 almetjh barkeminie maanaj jïh noeri reaktajgujmie. Mijjieh goerehtibie guktie maanakonvensjovne jåhta sïebredahkesne, dan bïjre bivenebe jïh evtedibie guktie laakh jïh njoelkedassh Sveerjesne byöroeh jeatjahdehtieh juktie buerebe maanakonvensjovnine sïemede.
Maanavaaksjoje maana- jïh noerigujmie gaskesadta jïh goerehte maam dah tuhtjieh ovmessie gyhtjelassigujmie. Daajroe maam mijjieh åadtjobe guktie maana jïh noere sov aarkebiejjiem dååjrehte vijresåbpe jåhta dejtie gieh tjïeltine, laantedigkine jïh åejvieladtjine sjæjsjalieh mohte aaj reeremasse jïh rijhkebeajjan.
Maanavaaksjoje edtja:
- maanaj jïh noeri reaktah mierede.
- aatskadidh maanankonvnesjovnem tjïrrehtidh.
- maanakonvensjovnen åeliej vaaksjodh.
- bïvnedh jïh digkiedidh.
- daajroem maanaj jïh noeri jielemetsiehkieh ektiedidh.
- internasjovnellen maahtoem maanakonvensjovnen bïjre låtnoedidh.
Maanavaaksjoje
Påastesijjie: Box 22106, 104 22 Stockholm
Jis guessine båatah: Norr Mälarstrand 6
Telefovne: 08-692 29 50
Fakse: 08-654 62 77
E-påaste: info@barnombudsmannen.se
Webbesijjie: www.barnombudsmannen.se